Zbulim tronditës nga NASA mund të lidhë momentin e kryqëzimit të Jezu Krishtit me një eklips hënor
Një zbulim i ri nga NASA mund të shtojë një dimension kozmik një prej momenteve më dramatike të Biblës, kryqëzimit të Jezu Krishtit. Modelet astronomike të agjencisë sugjerojnë se një eklips hënor e ktheu hënën në të kuqe mbi Jerusalem më 3 prill të vitit 33 pas Krishtit, datë që shumë studiues e lidhin me vdekjen e Jezu Krishtit. Ky fenomen, i përshkruar si një shfaqje e frikshme qiellore, ka ngritur pikëpyetje dhe ka tërhequr vëmendjen e besimtarëve dhe shkencëtarëve.
Në Ungjillin e Mateut, 27:45, përshkruhet: “Që nga mesdita deri në orën tre pasdite errësira ra mbi të gjithë vendin,” një varg që flet për qiellin surreal që u shfaq ndërsa Jezusi ishte gozhduar në kryq. Teoria e eklipsit, e paraqitur fillimisht nga studiuesit Colin Humphreys dhe W. Graeme Waddington nga Universiteti i Oksfordit, po bëhet gjithnjë e më popullore, sidomos në TikTok, pikërisht në kohën e të Premtes së Mirë.
NASA ka identifikuar saktësisht këtë eklips të lashtë, duke përdorur teknologjinë e saj për ndjekjen e qiellit. Eklipsi hënor ka shkaktuar një ngjyrë të kuqërremtë të hënës, duke përputhur me përshkrimet biblike të hënës që “u kthye në gjak.”
Ky zbulim mund të përkojë me disa pasazhe profetike të Biblës. Një fragment nga Veprat e Apostujve 2:20 thotë: “Dielli do të kthehet në errësirë dhe hëna në gjak përpara se të vijë dita e madhe dhe e lavdishme e Zotit.” Po ashtu, pasazhi nga Dhiata e Vjetër, Joeli 2:28-31, parashikon ngjarje të ngjashme. Disa studiues argumentojnë se këto vargje i referohen ardhjes së dytë të Krishtit, ndërsa të tjerë besojnë se ato përshkruajnë ngjarjet që ndodhën gjatë ditës kur Jezusi vdiq.
Kërkimi i Humphreys dhe Waddington mbështetet edhe nga shkrime të lashta jashtë kanonit biblik, si Raporti i Pilatit, që përmend një eklips hënor dhe shfaqjen e hënës si “gjak.” Të dhënat e NASA-s po ndihmojnë për të lidhur të gjitha pjesët e enigmës, duke ofruar një përputhje të ngushtë me përshkrimet biblike të errësirës mbi Jerusalem gjatë kryqëzimit.
Ndërkohë që Bibla dhe shkenca shpesh shihen në kundërshtim, ky përkim i papritur po shton diskutimet dhe po bën që besimtarët dhe skeptikët të rivlerësojnë lidhjen mes religjionit dhe astronomisë. Kjo ngjarje po merr një rëndësi të veçantë në kuadër të festimit të të Premtes së Zezë, dita që përkujton kryqëzimin e Jezu Krishtit dhe lidhjen e tij me kalendarin e hënës dhe festën e Pashkëve.
